Link açıqlığı

Saatnıñ esas haberi

Herson ava limanı çetel uçuşlarnıñ sayısını arttıracaq ola


Mart 29-dan itibaren Herson-İstanbul uçuşlarınıñ sayısı aman-aman eki qat arta, dep haber ete Vesti gazetası.

Herson ava limanı bergen malümatına köre, al-azırda Türk Hava Yollarınıñ İstanbul-Herson uçuşları aftada dört kere (çarşenbe, cuma, cumaertesi ve bazar) yapıla. Mart 29-dan itibaren uçuşlar er künlik olıp, ayırtıla bile.

Herson-İstanbul uçuşınıñ ketüv-qaytuv fiyatı eñ azından 163$ teşkil etecek.

Neşirniñ yazğanına köre, bu yaz Kiyev ve Moskva uçuşları da qoşula bile. Özbekistan, Azerbaycan, Qırğızistan ve atta Poloniya uçuşları aqqında muzakereler keçirile.

«Özbekistan ava şirketleri ile ilk añlaşmalar tizildi. Hersonda büyük özbek diasporası bar, bilet fiyatlarınıñ imtiyazları muzakere etile. Yazıq ki, ne şeer, ne de ava limanı bu imtiyaznı özüne alıp olamay. Lâkin fevral-mart başında bizler ava şirketiniñ vekilleri ile muzakerelerge devam etecekmiz. Hersonda Qırğızistan ve Azerbaycan uçuşları da olması kerek, çünki şirketlerini işbirlik yapa, lâkin, maalesef, Rusiyeden keçmek kerek, uçuşlar bayağı paalı ola», – dep ayttı Herson ava limanınıñ müdiri Grigoriy Usik.

Onıñ aytqanına köre, Poloniya uçuşınıñ açılması baqıla.

«Ava limanı doğru uçuş yapmağa imkân bermey. Lâkin yaqın vaqıtta Varşava-Lvov-Herson tranzit uçuşını açmaq isteymiz. Poloniya tarafı da meraqlandı», – dedi Usik.

Rusiyeniñ Qırım işğalinden evel Türk Hava Yollarınıñ Aqmescit-İstanbul uçuşı bar edi. Lâkin 2014 senesi oktâbr 15-ten itibaren ava şirketi Herson-İstanbul uçuşını açtı.

XS
SM
MD
LG