Link açıqlığı

Qabarcılıq ile küreş fondunıñ esasçısı Aleksey Navalnıynı evden çıqqanda yaqalap, Taqiqat komitetine Fond faaliyetini teşkermek içün alıp kettiler.

Bunı muhalifetçi yanvar 16-da Twitterde yazdı.

Navalnıynıñ yazğanına köre, kirişte onı 12 insan bekley edi. Olar taqiqatçınıñ onı Taqiqat komitetine zorlap ketirmek aqqında qararını tuttırdılar.

«Kino kibi. Menim ile beraber maşinada üç politsiya hadimi bar, yanında da maşina kete. Yazıq ki, qara közlükni almadım», – dep yazdı Navalnıy.

Onıñ adliyecisi Vadim Kobzev İnterfaks agentligine bildirdi ki, muhalifetçi Taqiqat komitetine Fond faaliyetinen bağlı bir de bir malümat bermek içün barmaycaq.

Adliyeci dedi ki, Navalnıynı zorlap Taqiqat komitetine alıp kete bileler, çünki o ev apisi altında buluna. Kobzevniñ aytqanına köre, Qabarcılıq ile küreş fondunıñ faaliyeti ile bağlı cinaiy iş daa yoq.

XS
SM
MD
LG