Ermenistannıñ Gümri şeerinde Rusiye elçihanesi civarında numayışçılar ve politsiya arasında çatışmalar yüz berdi, dep haber ete Radio Svoboda.
Yüzlernen adam yanvar 15-te Rusiye askeri Valeriy Permâkovnıñ Ermenistan mahkemesine teslim etilmesini talap etti. Akimiyetniñ malümatına köre, o, yanvar 12-de bir qorantanıñ birden 6 azasını öldürgenini ayttı.Taqiqatnıñ malümatına köre, erkek Rusiye arbiy bazasından silânen qaçıp, bu adamlarnı qurşuladı, eki yaşında balaçıqnı da öldürdi, avtomat bozulğan soñ ise altı aylıq balanı urıp öldürdi.
Numayışçı ve politsiya arasındaki çatışmalar neticesinde 14 insan yaralandı. Arbiyler 20 adamnı yaqalağan ediler.
Elâk olğanlarnıñ cenazesinden soñ Ermenistan prokurorı Gevork Kostanân Rusiyeni Permâkovnı teslim etmege çağıracağını vade etti.
Çatışmalar Erivandaki Rusiye elçihanesi yanında da olıp keçti.
