Link açıqlığı

Qırımnıñ sabıq baş naziri Anatoliy Mogilev Lugansk vilâyet devlet memuriyetiniñ yolbaşçısı Gennadiy Moskalniñ 2014 senesi mart ayında yarımada işğaline olğan alâqası aqqında aytqanlarını «başından soñuna qadar yalan» dep adladı.

Bunı o Qırım.Aqiqatqa bildirdi.

«Moskalniñ Qırım ayatında yerim aqqında tüşünceleri – hastanıñ hayalları ve başından soñuna qadar yalandır. Yazıq ki, olmaycaq laflar kütleviy haber vastaları tarafından tarqalıp, izaatlarnı talap ete», – dedi o.

Mogilev dey ki, Qırım Nazirler şurasınıñ reisi vazifesinde bulunıp, «soñki kününe qadar vazifelerini becere edi».

«Moskvalniñ «Kremlde FSBden haber almaq içün Moskva ziyaretlerim aqqında» aytqanları – yalan. Üç yıldan ziyade Qırım ükümetiniñ yolbaşçısı olıp, Moskvada bir defa 2012 senesi sentâbr ayında olğan edim», – dep qayd etti o.

Mogilev Moskalge «napoleonnıñ cesaretini tınçlandırmağa» tevsiye etti.

Qırımnıñ sabıq baş naziri bildirdi ki, al-azırda çoqusı vaqıt tuvğan Artömovsk şeerinde keçire.

Gennadiy Moskval Depo neşirine bergen intervyüsında dedi ki, Anatoliy Mogilev Qırım baş naziri olıp, Rusiyeniñ Qırımnı işğal etmek niyetini bilgen edi.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

XS
SM
MD
LG