Link açıqlığı

Keriçte nefaqanı almaq içün nevbetlerde turğan qartlar esini coyalar


İşğal etilgen Keriçte devlet müessiselerine olğan nevbetlerde turğan nefaqacılar esini coya. Cumaaqşamı, yanvar 15-de, kerch.com saytı bergen malümatqa köre, emek ve içtimaiy qoruv idarelerine olğan nevbetlerde yüzlernen esli başlı insan tura.

«Malüm olğanı kibi, bazarertesi, yanvar 12-den, uzun bayramlardan soñ idare hadimleri işke başladı. Aynı şu künü nefaqacılar «emek veteranı» şeadetnamesiniñ rus şeklini ve er aylıq ödevlerni elde etmek içün muracaat etmege başladılar. Amma şu yerde şunı qayd etmek kerek ki, Rusiye qanunlarına köre, 500 ruble muracaat etüv kününden ödenile», – dep yaza neşir.

Haber etilgeni kibi, Keriç nefaqacıları vaqıt coymayıp, saba saat 6-da kelmege ve aqşamğa qadar nevbetlerde turmağa azırlar. Bunıñ ile ayatlarda oturmaq içün kürsü bile yoq.

«İnsanlar tura, açuvlana, qavğa eteler, esini coyalar, amma ketmeyler», – denile beyanatta.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG