Qırım.Aqiqat mühbirleri yanvar 15 künü Aqmescit yollarında ukrain sport urbasına kiyingen ayaqmaşinacılarnı körgenler. Rusiye tarafından işğal etilgen yarımada sakinleri böyle şekilde kiyingen sportçularnı endi siyrek köre.
Jurnalistniñ sportçular qaysı bir sport teşkilâtınıñ azaları olğanı aqqında sualine gençler, işğal etilgen Qırım «akimiyeti» tarafından ola bilecek siyasiy taqipke atıf etip, cevap bermediler.
«Kim ve qaydan olğanımıznı aytmağa istemeymiz. Qırımnıñ şimdiki vaziyetinde bu al gruppamızğa menfiy sürette tesir ete bilir»,– dedi ayaqmaşinacılardan biri.
2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.
