Link açıqlığı

Rusiye Donbass içün daa bir «gumanitar yükni» azırlay


Rusiye Fevqulâde vaziyetler hızmeti yanvar soñunda – fevral başında Ukraina şarqına daa bir «gumanitar konvoynı» yollaycaq ola, dep haber etti hızmet yolbaşçısınıñ muavini Vladimir Stepanov.

Bu 12-nci konvoy olacaqtır, dep qoştı Stepanov.

Onıñ aytqanına köre, yardım aşayt mahsulatı ve yaqarlıqtan ibaret olacaqtır. «Şimdi gumanitar yardım şekillendirile», – dedi Stepanov.

Keçken seneniñ avgust ayından itibaren Rusiye tarafı Ukrainağa 11-inci «gumanitar konvoynı» yollağan edi.

Ukraina qayd ete ki, Rusiye tarafı maşinalarda yalıñız kerek şeyler bar olğanını bildire. Faqat bugünge qadar Ukraina gumanitar yükni baqıp olamadı.

Dekabr soñunda Rusiye baş naziri Dmitriy Medvedev «Ukraina şarqı içün gumanitar yardımnı kösterüv» komissiyasınıñ meydanğa ketirilmesi aqqında ayttı. Resmiy Kiyev ukrain ve halqara qanunlarğa riayet etilse, Rusiye «gumanitar yüküniñ» şekillendirilmesinde iştirak etmege razı oldı.

XS
SM
MD
LG