Çarşenbe künü, yanvar 14-te, Kiyev saatine köre saat 19:15, qanunsız silâlı birleşmeler Peski mesken yerinde ateş açıp, «Dnepr-1» batalyonınıñ «Qırım» rotasınıñ komandanını yaraladılar.
Bunı batalyonnıñ matbuat hızmeti bildire.
Matbuat hızmetiniñ malümatına köre, yaralını Dnepropetrovsqa alıp ketecek ediler.
«Onıñ sağlığını Meçnikov vilâyet klinik hastahanesiniñ ekimleri baqacaqlar. İlk malümatlarğa köre, yaralığa birinci yardım kösterildi, onıñ ömrüne zarar ketirecek bir şey yoq», – aytıla beyanatta.
Bir kün içinde qanunsız silâlı birleşmeler ukrain askerlerine 129 kere ateş açtılar.
ATO matbuat merkeziniñ malümatına köre, Rusiyege qoltutqan boyevkiler terrorizmge qarşı tedbiler küçlerine ve Donbassnıñ mesken yerlerine sıq-sıq ateş açalar.
