Yanvar 15-te Ukrainada Volnovaha civarındaki facia qurbanlarını añalar.
Ukraina prezidenti Petro Poroşenko «terroristlerniñ qollarından» elâk olğan adamlarnı añmaq içün yanvar 15-ni Matem künü olaraq ilân etti.
Bunı devlet yolbaşçısı vilâyet devlet memuriyetleriniñ reisleri ile işçi körüşüvde bildirdi.
Salı künü, yanvar 13-te, saat 14:30 boyevikler Volnovaha civarındaki blokpostqa ateş açtılar. Anda bulunğan yolcu avtobusta on insan öldürildi. 18 kişi hastahanege tüşti. Birazdan olardan ekisi hastahanede can berdi.
Prokuratura «terroristik areketler» maddesi boyunca işni taqiq ete.
Dünya ücümni takbih etip, Ukraina şarqında zorbalıqnı toqtatmağa çağırdı.
