Terrorizmge qarşı tedbirlerniñ küçleri boyeviklerniñ Donetsk ava limanına yapılğan daa bir ücümine cevap berdiler. Bunı ATO matbuat merkezi Facebook saifesinde bildirdi.
«Qanunsız silâlı birleşmeler saba saat 6-da Donetsk ava limanına ateş açtılar. Saat 9:20 boyevikler ukrain «kiborglarına» ücüm etip başladılar. Askerlerimiz boyeviklerniñ ücümlerine cevap berip, olarğa zarar ketirdiler», – aytıla beyanatta.
Qayd etile ki, boyevikler kün devamında minaatıcı ve tanklardan yañı terminal ve dispetçer külesine ateş açtılar.
RBK-Ukraina bildire ki, OSCE üküm sürgen vaziyetten sebep Donetsk ava limanı civarında yerli barışıqqa çağırdı.
