Link açıqlığı

Qırımda kütüphane müdirini ekstremistik edebiyatnı açqanından sebep mahkeme eteler


Keriçteki şeer kütüphaneleriniñ bilgisayarlarında ekstremistik malümatlar ile resurslarnı qapatuv sisteması yoq eken. Merkeziy kütüphane sistemasınıñ müdirine qarşı memuriy hata aqqında iş açıldı. Kütüphane hadimlerinden ondan ziyadesi nizam mesülietine çekildi.

Bunı Qırım «prokuraturasınıñ» matbuat hızmeti bildire.

İş ekstremistik malümatnı kütleviy tarqatuv maddesi boyunca açıldı.

Keriç şeer mahkemesiniñ qararı ile qabaatlı 2 biñ rublelik memuriy para cezasını ödemeli. Kütüphane sistemasınıñ reberi adına bozuvlarnı tüzetmek avalesi kirsetildi.

Prokuratura cevabınıñ baqılması neticesinde Şeerniñ Merkeziy kütüphane sistemasınıñ 14 hadimi mesülietke çekildi.

«Prokuratura» talabı ile kütüphane bilgisayarlarında yasaq etilgen resurslarnı açtırmaycaq filtler qoyuldı.

XS
SM
MD
LG