Link açıqlığı

Donetsk vilâyetinde yanvarniñ 14-de Volnovaha civarında elâk olğanlarnıñ hatırasına matem kününi ilân ettiler


Donetsk vilâyetinde yanvarniñ 14-de Volnovaha civarında ukrain blokpostına atış açıluvı neticesinde elâk olğanlarnıñ hatırasına matem kününi ilân ettiler, dep haber ete yerli vilâyet devlet memuriyeti.

İşbu avaleni vilâyet devlet memuriyetiniñ reisi Оleksandr Kihtenko imzaladı.

Qararğa köre, ev, devlet akimiyet organlarınıñ, yerli akimiyet organlarınıñ binalarında, şirket, müessise ve teşkilâtlarda Ukraina devlet bayrağı ve vilâyet bayrağı tüşürilmek kerektir.

«Rayon devlet memuriyetlerine, yerli idare organları, şirket, müessise, teşkilâtlarğa eglenceli tedbir, sport yarışlarınıñ keçirilmesinden vazgeçmege tevsiye etile», – denile beyanatta.

Salı künü, yanvar 13-de, saat 14:25 ukrainlilerniñ Volnovaha civarında yerleşken blokpostına ateş açılğan edi. Patlav aletlerinden biri yerli sakinlerni avuştırğan avtobus yanında patladı. Birden 10 insan elâk oldı. Birazdan daa eki insannıñ ölümi aqqında haber keldi.

XS
SM
MD
LG