Link açıqlığı

Fevral ayında ötkerilecek Qırımtatar Milliy Meclisiniñ toplaşuvında Qırımtatar Milliy Qurultayınıñ keçirilüv tarzı muzakere etilecek.

Bunı Qırım.Aqiqat saytına Meclis reisiniñ muavini Nariman Celâl bildirdi.

«Şimdi Meclis azaları Qurultay vekilleri ile qonuşıp, olarnıñ Qurultayda iştirak etmek imkânlarını, onıñ keçirilüv tarzı ve yeri aqqında fikirlerini ögrenecekler», – dedi reis muavini.

O, Meclisniñ fevral ayındaki toplaşuvı Aqmescitte keçirilecegini de qayd etti.

Evel Qurultaynıñ yarımada tışında – ya Kiyev, ya da Türkiyede keçirilmesi muzakere etile edi.

Salı künü, 2015 senesi yanvar 12-de, Aqmescitte Qırımtatar Milliy Meclisiniñ Prezidiumı toplaştı. Toplaşuvda qırımtatarlarnıñ temsiliy organı olğan Meclisniñ nevbetteki körüşüv tarihını muzakere ettiler.

Qırımtatar Milliy Meclisi fevral 23 künü Aqmescit ve Aqyarda Qırım Halq Cumhuriyetiniñ birinci reisi, I Qırımtatar Milliy Qurultayınıñ teşkilâtçısı, Qırım, Poloniya, Aqrusiye ve Litvaniya müftisi Noman Çelebicihan ölüminiñ 97 yıllığı munasebeti ile matem mitingini keçirecek ola.

XS
SM
MD
LG