Link açıqlığı

İşğal etilgen Qırımda «NTV+» teleşirketiniñ kanalları çalışmay.

Bunı SevStar Aqyar provayderi bildire.

«2014 senesi dekabr ayında «Gazprom-Media» şirketi, ğarbiy memleketlerniñ cezalarından qorqıp, Qırımda hızmetleriniñ berilmesini toqtatmağa qarar aldı», – denile beyanatta.

«2014 senesi dekabr ayında aq saibi 2015 senesine añlaşmalarnıñ ğayrıdan qabul etilmeycegini bildirdi. Bu sebepten 2015 senesi yanvar 1-den: Retro, Zdorovoye TV, Premyera, Kinoklub, Kinohit, Kino soyuz, NTV+ Tennis, NTV+ Naş futbol, NTV+, Sport+, Kino +, Naşe novoye Kino, Kto yest Kto, Spas, HD Fashion kanalları söndürildi», – dep añlata provayder.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG