Link açıqlığı

BMT havfsızlıq şurası Nev-Yorkta salı künü keçirilgen toplaşuvında Volnovaha civarında avtobusqa ateş açılğanını takbih etti.

«Havfsızlıq şurasınıñ azaları 2015 senesi yanvar 13 künü Donetsk vilâyeti Volnovaha civarında avtobusqa ateş açıluv neticesi olğan 11 insannıñ ölümini ve 17 şahısnıñ yaralanuvını takbih ettiler», – denile vesiqada.

Havfsızlıq Şurasınıñ azaları vefat etkenlerniñ ailelerine taziyelerini bildirdiler ve «taqiqatnıñ keçirilmesi ve qabaatlı insanlarnıñ mesülietke çekilmesi»niñ emiyetini qayd ettiler.

Beyanatta keçken sene sentâbr 5 ve 19 künleri qabul etilgen Minsk añlaşmalarını da añıp keçtiler.

Salı künü, yanvar 13-de, saat 14:25 ukrainlilerniñ Volnovaha civarında yerleşken blokpostına ateş açılğan edi. Patlav aletlerinden biri yerli sakinlerni avuştırğan avtobus yanında patladı. Birden 10 insan elâk oldı. Birazdan daa eki insannıñ ölümi aqqında haber keldi.

XS
SM
MD
LG