Ukraina prezidentiniñ qırımtatar halqınıñ işlerinden vekâletlisi Mustafa Cemilev 2015 senesi bücetinde qırımtatarlar ve diger sürgün etilgen halqlarnıñ abadanlaşuvına ayırılğan maddiy vastalar aqqında tarif etti.
«Bücette qırımtatarlarnıñ ve Ukrainadan sürgün etilgen diger millet vekilleriniñ abadanlaşuvına 790 biñ ayırılğan. Bu para bir şeyge yetermi?» – denile onıñ resmiy Facebook saifesinde.
Bundan evel Cemilev 2015 senesi bücetiniñ baquvında Ukraina Yuqarı Şurası işğal etilgen Qırımnıñ sualini körmemezlikke urğanı aqqında bildirgen edi.
