Link açıqlığı

Baş ştab: boyevikler Rusiye kütleviy haber vastaları ögünde marşrutkağa «Graddan» ateş açtılar


Ukraina Silâlı quvetleriniñ Baş ştabı bildire ki, salı künü, yanvar 13-te, Donetsk vilâyetiniñ Volnovaha civarında boyevikler Rusiye kütleviy haber vastalarınıñ vekilleri ögünde marşrutkağa «Gradlardan» ateş açtılar. 10 insan elâk oldı.

Bunı Ukraina silâlı quvetleri baş ştabınıñ vekili, general Bogdan Bondar Yuqarı Radada maruza ile çıqış vaqtında ayttı, – dep haber ete RBK-Ukraina.

«Dokuçayevsk şeerinde yerli ve Rusiye kanallarınıñ mühbirleri bulunıp, ordularımız ateş açıp şeer merkezine nasıl etip cevap berecegini çıqaracaq ediler», – dep qayd etti Bondar.

Donetsk vilâyet devlet memuriyetiniñ malümatına köre, Volnovaha civarında ücüm neticesinde yaralanğan insanlarnıñ sayısı 18-ge arttı.

XS
SM
MD
LG