Link açıqlığı

Donald Tusk: Rusiyege nisbeten ceza adımlarını Avropa birligi mart ayında baqacaq


Avropa şurasınıñ reisi Donald Tusk

Avropa Birligi Rusiyege qarşı yañı ceza adımlarını mart ayında devlet azalarınıñ toplulığı sammitinde muzakere etecek.

Bunı Avropa şurasınıñ reisi Donald Tusk salı künü, yanvar 13-te, Avropa parlamentinde çıqışta bulunıp ayttı, – dep haber ete TASS.

«Dekabr ayında bizler ceza yoluna devam etmege qarar aldıq. Yañı adımlar mart ayında baqılacaq», – dep qayd etti o.

Donald Tusk bildirdi ki, Avropa birligi Ukrainağa maddiy yardım köstermege devam etecek.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG