Link açıqlığı

İşğal etilgen Qırım, Donetsk ve Lugansk vilâyetleriniñ sakinleri Ukraina silâlı quvetlerinde hızmet etmek içün askerlikke çağırıla bile, dep ayttı Ukraina Silâlı quvetleri Baş ştabınıñ mudafaa ve mobilizatsiya planlaştırılması baş idaresi yolbaşçısınıñ birinci muavini Vladimir Talalay matbuat konferentsiyasında.

Memurnıñ aytqanına köre, Ukraina akimiyetiniñ nezareti altında bulunğan yerge çıqıp, ariza bermeli.

Talalay bildirdi ki, 2015 senesi mobilizatsiya tedbirleri 210 kün sürecek, lâkin mobilizatsiya müddetlerini Yuqarı Rada belgileycek.

Baş ştabınıñ vekili dedi ki, üç ve ziyade balası olğan vatandaşlar askerlikke alınmaycaq. Aspirant, student ve müessise sımarlağan adamlar da asker olmaycaq.

Ukraina mudafaa naziri Stepan Poltorak bildirdi ki, 2015 senesi 50 biñ kişini askerlikke çağırmağa planlaştırıla.

2014 senesi qısmiy mobilizatsiyanıñ üç dalğası keçirildi.

2014 senesi fevral soñunda mart başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

XS
SM
MD
LG