Link açıqlığı

Aqyar «valisi» Tükriyeden aşayt mallarınıñ ketirilmesini bekley


Aqyar ve bir türk limanı arasında yaqın zamanda daima çalışacaq parom keçiti teşkil etilecek. Aqyar ve Türkiye arasında parom munasebeti şeerge aşaytnıñ ketirilmesine yol berecektir, dep bildirdi jurnalistlerge Aqyar «valisi» Sergey Menâylo, haber ete Novıy Sevastopol.

«Eger Keriç parom keçiti qapalı tursa ve furtuna havfı saqlanılsa, bu şeerniñ aşayt malları ile teminlevine tesir etecegini añlaymız. Şunıñ içün parom keçitimizni inkişaf etmege tırışamız»,– dey Menâylo.

O, «Türkiye ile endi muayyen añlaşmalar»nıñ bar olğanını qayd ete.

Menâylonıñ sözlerine binayen, türk paromı yaqın zamanda Türkiyeden aşayt mallarını ketirmeli.

Evel Menâylo Aqyarğa Novorossiyskten daimiy sürette üç parom qatnaycağı aqqında bildirgen edi.

XS
SM
MD
LG