Aqşamğa, yanvar 12-de, Keriç boğazında furtuna havfı şaraitlerinde qatnağan paromlarnıñ sayısı ekige qısqartıldı.
Bunı Yekâne naqliyat müdirliginiñ matbuat hızmeti bildire.
«Yelniñ küçü 20 m/s qadar arta. Keriç boğazından «Olimpiada», «İonas» paromları yüre. Furtuna havfı saqlanılmaqta», – deyler müessisede. Müdirlikniñ malümatına köre, «Kavkaz» limanında bazarertesi künü nevbette2 yengil ve 2 yük maşinaları, «Qırım» limanında – 8 yengil ve 3 yük maşinası, yük yolağında: «Novorossiysk» limanında – 47, Slavânsk na Kubani – 1 maşina, Keriçte – 25 yük maşinası tura edi.
Qırımda yanvarniñ 13-ne qadar furtuna havfı saqlanılacaq. Ay-Petri civarında çığnıñ olması mümkün. Ğarbiy yelniñ suratı 4-9 m/s qadar artacaqtır. Ava arareti gece sıfırdan aşağı 3-5 derece, kündüz sıfırdan yuqarı 4-6 derecege yetecek.
