Berlinde yanvar 12-de Almaniya, Frenkistan, Ukraina ve Rusiyeniñ tış işler nazirleri Ukraina şarqında zıddiyet toqtatılmasınıñ yollarını muzakere etmege başladılar. Bunı Deutsche Welle neşiri bildire.
Almaniya tış işler naziri Frank-Walter Steinmeier davetinen bazarertesi künü, yanvar 12-de, Berlinge Frenkistan, Rusiye ve Ukraina zenaatdaşları teşrif buyurdılar.
Neşirniñ malümatına köre, «norman formatındaki» muzakereler Almaniya tış işler nazirliginiñ kâşanesinde keçirilmekte.
Steinmeier toplaşuvdan evel «bugün aqşam bir qararğa keleceklermi-yoqmı» bilmegenini ayttı.
Aynı vaqıtta onıñ fikirince, «şimdi, yılnıñ başında, böyle bir fursattan faydalanmamaq hata olur edi».
Ukraina tış işler naziri Pavlo Klimkin yanvar 12-de Berlinge kelip, Ukraina, Almaniya, Frenkistan ve Rusiye tış işler nazirleri körüşüvinde iştirak etecek.
