Rusiye Federatsiyası ükümetiniñ reisi Dmitriy Medvedev Rusiye tarafından işğal etilgen Qırımda «Keriç devlet deñiz tehgologik universiteti» devlet bücet aliy tasil müessisesiniñ teşkil etilmesi aqqında avaleni imzaladı.
«Devlet universiteti aliy ve orta tasil programmalarını ve ilmiy faaliyetni amelge keçirecek», – dep bildirdiler bazarertesi künü, yanvar 12-de, Qırım «ükümetiniñ» matbuat hızmetinde.
Avalege köre, tesisçi vazifeleri Balıq avı boyunca federal agentligine yüklenecek.
2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.
