Link açıqlığı

Saatnıñ esas haberi

Aqmescit hastahanelerinde buzlavuq sebebinden – qalabalıq


Aqmescitniñ tayğaq soqaqları insanlarnı hastahanelerge «ketire»
Bekleñiz, lütfen

No media source currently available

0:00 0:01:19 0:00

Aqmescitniñ tayğaq soqaqları insanlarnı hastahanelerge «ketire»

İşğal etilgen Aqmescitte ava şaraitlerinden sebep hastahaneler rıqma-rıq tolu. Qırım.Aqiqat mühbiri aytqanı kibi, Aqmescitniñ 6-ncı şeer hastahanesinde bazareretsi künü, yanvarniñ 12-de, nevbette 30-ğa yaqın insan tura edi.

Qol ve ayaq yaraları ile insanlar tibbiy yardımnıñ kösterilmesini bekleyler. Olarnıñ sözlerine köre, şeer soqaqları şimdi piyadeler içün ğayet havflıdır.

«Qaldırımlarda biraz sepeler, amma bu yeterli degildir. İnsanlar yıqıla, yaralana. Bir kimse yıqıldı, turdı ve yoluna devam etti», – dey qırımlı Anastasiya.

Aqmescitniñ bazı sakinleri taksini hastahane qapılarına qadar çağıra, çünki kene de yaralanmağa qorqalar.

«Taksini hastahane qapılarına qadar çağıramız. Ya ne yapmalımız? Daa bir kere yıqılmağa istemeymiz de», – dep tarif ete Qırım.Aqiqatqa Lüdmila.

Qırım.Aqiqat endi haber etkeni kibi, Qırımda yanvarniñ 13-ne qadar furtuna havfı saqlanılacaq. Qırımda bazı yerlerde qoyu tuman, yollarda buzlavuqnıñ olması tahmin etile.

Bazarertesi künü, yanvar 12-de, Qırım boyunca furtuna havfı ilân etilgen edi.

XS
SM
MD
LG