Link açıqlığı

Keriçte şeer akimiyeti yerli sakinlerni «DHC» tibbiy müessiselerine yardım etmege çağırdı


İşğal etilgen Keriçte yerli sakinlerni qanunsız «DHC» tibbiy müessiselerine yardım etmege çağırdılar. Mütenasip ilân yanvarniñ 12-de, bazarertesi künü, Keriç şeer şurasınıñ resmiy saytında aşkâr etildi.

Haber etilgeni kibi, gumanitar yardım Makeyevka, Hartsızsk, Amrosiyevka şeerleriniñ psihonevrologiya internatlarına kerektir.

«Milât bayramları vaqtında evel-ezelden hayriyet ile oğaraşıp, yardımğa muhtac olğanlarğa qol uzata ediler. Lâqayt qalmağan keriçlilerni «Vatanperver Donbass» Cumhuriyet cemaat areketi seslenmege çağıra», – denile beyanatta.

Keriçniñ şeer akimiyeti qayd etkeni kibi, Donbass internatlarına «aşayt malları, ilâc, yuvucı ve temizleyici vastalar kerek» eken.

XS
SM
MD
LG