Link açıqlığı

İnterpolnıñ halqara qıdıruvına Ukraina sabıq perizdenti Viktor Yanukoviç, onıñ oğlu Aleksandr Yanukoviç, sabıq baş nazir Nikolay Azarov, Ukraina sağlıq saqlav naziri olğan Raisa Bagatıröva, sabıq maliye naziri Yuriy Kolobov ve «Ukrtelekom»nıñ sabıq reberi Georgiy Dzekon ilân etilgenler.

Bunı öz Facebook saifesinde Ukraina içki işler naziri Arsen Avakov bildirdi.

«Bugün, 2014 senesi mart ayında etilgen muracaattan bir qaç ay keçkenden soñ İnterpolnıñ mahsus komissiyası qarar çıqardı. İnterpolnıñ halqara qıdıruvına (qızıl varaqa – yaqalanuv işbu şahıslarnı Ukrainağa teslim etmek maqsadı ile keçirilecek ) Yanukoviç Viktor Fedoroviç, Yanukoviç Aleksandr Viktoroviç, Azarov Nikolay Yanoviç, Bagatıröva Raisa Vasilyevna, Kolobov Yu. V. (sabıq maliye naziri), Dzekon G.B. («Ukrtelekom»nıñ sabıq reberi)» ilân etilgen», – dep yazdı o.

Onıñ aytqanı kibi, İnterpol tarafından Ukrainada qabaatlı olıp sayılğan diger insanlarnıñ işleri şimdilik ögrenilmekte.

Avakov şunı da qayd etti ki, evel İnterpol tarafından Eduard Stavitskiy, Sergey Kurçenko, sabıq baş nazir muavini Sergey Arbuzov, sabıq kelir ve bergi naziri Aleksandr Klimenko, Bergi hızmetiniñ sabıq baş muavini Andrey İgnatov, Brokbiznesbanknıñ idare reisi Aleksandr Dinnik de qıdıruvğa ilân etilgen ediler.

Fevral ayında sabıq prezident Viktor Yanukoviç ve diger devlet memurları Kiyev Mustaqillik meydanında insanlarnıñ kütleviy sürette öldürilmesinden soñra Ukrainadan qaçıp ketken ediler. Küzde Rusiye prezidenti Vladimr Putin Yanukoviçke Qırımğa qaçmağa yardım etkenini tanıdı.

Şimdi Yanukoviçniñ bulunuv yeri belgisizdir. Soñki sefer onıñ matbuat-konferentsiyası Ruseniñ Rostov şeerinde keçirilgen edi.

XS
SM
MD
LG