Link açıqlığı

Rusiye vatandaşı 2015 yılbaş gecesi Qırımnıñ eñ yüksek noqtası olğan Roman Qoş dağında ukrain halqına sayğı köstermek içün tiklegen Ukraina devlet bayrağı 2015 senesi yanvar 29 saat 20:32:35 qadar hayriye mezatına çıqarıldı. Bunı bayraqnı tiklegen Aleksandr Poltavskiy Twitterde bildirdi.

«Bayraq 31.12.2014 Kiyev saatine köre saat 23:42 başlap 1.1.2015 saat 0:42 qadar Qırımnıñ eñ yüksek noqtasında bulundı. Belki de, ileride bu Bayraq tam manada qıymetli bir şey olacaq, … Tarih qayda aylanacağını bilmeyim... lâkin şimdi saq ekende ve bayraqnı menden tutıp almağanlarına qadar onı hayriye maqsatlarınen satmaq isteyim...», – aytıla müellifniñ ilânında.

Mezat paraları, faalniñ aytqanına köre, Qırım bala internatlarından birinde qalğan balalar içün tatlı ve meyvalarğa sarf etilecek.

«Kendime bir kapik almaycağımnı vade etem, er şeyni balalarnıñ qollarına berip, İnternette esabat bermege söz berem. Memnün olacam», – aytıla ilânda.

2015 yılbaş gecesi işğal etilgen Qırımnıñ eñ yüksek noqtasında Ukraina bayrağı tiklenildi. Onı Rusiyeli Aleksandr Poltavskiy yerleştirip, videoğa çıqardı ve internette qoydı.

XS
SM
MD
LG