Qırımda meşur ekim ve Qurultay vekilini defn ettiler

Bazar künü, yanvar 11-de, meşur ekim-urolog, tibbiy ilimler namzeti, Qırımtatar Milliy Qurultayınıñ vekili İsa Cemilevniñ cenazesi qılındı. Yağmur ve buzlağan yollarğa baqmadan, işğal etilgen yarımadanıñ er bir köşesinden aman-aman eki biñ qırımlı merhumnen vedalaşmağa keldi.

Qırım müftisi Emirali Ablayev onı yahşı namuslı bir adam, ekim olaraq qayd etti: «Ekimler çoq, yahşı ekimler de çoq, lâkin İsa kibi – az, olar aman-aman yoq».

«Bu acayip bir adam edi, onıñ müsbet energiyası seniñ sağlam olacağında şübe qaldırmay edi. Sen bunıñ kibi insannıñ qollarında sağlam olmağa mecbur ediñ. O, bayağı vaqıt keçken olsa da, er bir hastasını hatırlay edi ve körgende sağlığını soray ve muvafaqiyetlerini ögrene edi», – dep ayttı Qırım.Aqiqat mühbirine cenazege kelgen sabıq hastalardan biri.

Cenazege Qırımtatar Milliy Meclis azaları, Qırım akimiyetinden Remzi İlyasov, «Qırım» fondunıñ yolbaşçısı Riza Şevkiyev, belli qırımtatar jurnalistleri Şevket Memetov ve Lilâ Bucurova, medeniyet erbapları, işdeşleri, soy-sopları, dostarı ve sabıq hastaları keldiler.

• Крым. Реалии

В воскресенье, 11 января, состоялись похороны врача-уролога высшей категории, кандидата медицинских наук, делегата Курултая крымскотатарского народа Исы Джемилева. Несмотря на дождь и сильный гололед, проводить покойного пришли порядка двух тысяч крымчан практически со всех уголков аннексированного полуострова.

Yanvar 10-da meşur Qırım ekimi, Qırımtatar milliy qurultayınıñ vekili İsa Cemilev 55 yaşında vefat etti.