Bazar künü, yerli saatine köre saat 18:42, Seyitler rayonınıñ Çotı köyündeki (Jemçujnoye) 40 let Pobedı soq., 9 adresi boyunca ev yanğını aqqında haber etildi. Bunıñ neticesinde adamlarnı, şu cümleden küçük balalarnı tahliye ettiler.
Bunı Qırım fevqulâde vaziyetler hızmetiniñ matbuat hızmeti bildire.
Hızmetniñ malümatına köre, yanğın dört qatlı evniñ üçünci qatındaki kilerinde yüz berdi.
«Üçünci qattan esli başlı qadın tahliye etildi. Dörtünci qattan yanğıncılar dört adamnı çıqardılar. Eki büyük ve eki bala qurtarıldı – 2 ve 1,5 yaşındı. Tibbiy yardım kerek olmadı», – aytıla beyanatta.
Yanğın saat 19:20 söndürildi. Yanğın meydanı 12 metre kâreni teşkil etti. Qurtarıcılar bildire ki, yaqın yerleşken daireler zarar körmedi.
Yanğın söpdürilgen soñ ve inşaat avalanğan soñ adamlar dairelerine qayttılar.
Yanğınnı 15 adam ve 4 dane tehnika söndürdi.
