Link açıqlığı

Saatnıñ esas haberi

Poroşenko Avropa memleketleriniñ liderleri ile beraber Frenkistandaki Birlik yürüşinde iştirak etecek


Ukraina prezidenti Petro Poroşenko
Ukraina prezidenti Petro Poroşenko

Ukraina prezidenti Petro Poroşenko yanvar 11-de Paristeki facialı adiselerge bağışlanğan numayışta iştirak etmege niyetlene.

Bunı o Facebook saifesinde bildirdi.

«Bazar künü Pariste Frenkistan halqı ve Prezidenti Fransua Olland ile Birlik yürüşinde iştirak etecem. Terrorizmge «yoq» aytayıq, «ebet» – azatlıq ve demokratiyağa», – dep yazdı Poroşenko.

«RBK-Ukraina» neşiri bildire ki, tedbir davetnamesini Frenkistan prezidenti Twitterde yerleştirdi.

Bundan ğayrı, terrorizmge qarşı yürüşte Almaniya kantsleri Angela Merkel, Avropa komissiyasınıñ yolbaşçısı Jan-Klod Yünker, Avropa parlamentiniñ yolbaşçısı Martin Şülts, Avropa birliginiñ tış siyaset ve havfsızlıq yuqarı vekili Federika Mogerini, Büyük Britaniya baş naziri Devid Kemeron iştirak etecekler.

Ç arşenbe künü, yanvar 7-de, Charlie Hebdo muarririyetine yapılğan ücüm neticesinde 12 insan öldürildi, 11 kişi yaralandı. Politsiya malümatına köre, şaatlar bildire ki, ücüm etkenler «Allahu akbar» ve «bizler peyğamberimiz içün intiqam alamız», dep qıçıra ediler.

«İslâm devleti» ve diger cihad birleşmeleriniñ tarafdarları saytılarında bildireler ki, ücüm içün mesülietni alalar.

Frenkistannıñ musulman toplulıq liderleri ise ücümni takbih ettiler.

«Charlie Hebdo» satirik mecmuası 2006 senesinde populâr oldı. O vaqıt mecmua Muhammed peyğamberine karikaturalarnı bastırğan edi. Musulman dünyası narazılıq bildirmege başladı.

XS
SM
MD
LG