Link açıqlığı

İşğal etilgen Qırımda yanvar 10-da furtuna havfı beklenile. Qırım MÇS matbuat hızmeti bildire ki, yanvar 9-da aqşam ve yanvar 10-da Qırımda qar, yağmur yağması beklenile.

«Şimal-ğarp yeliniñ süratı saniyede 18-23 metrni teşkil etecek. Apansızdan ava qızacaq, sıfırdan aşağı eki – sıfırdan yuqarı üç derecege qadar. Kündüz ava arareti sıfırdan aşağı bir sıfırdan yuqarı altı derecege qadar artacaq», – aytıla beyanatta.

Qorçalayıcılar qırımlılarğa uzaq kezintilerden vazgeçmege, bala telükesizligini ve elektrik donatmalarını nezaret etmege çağıralar.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

XS
SM
MD
LG