Link açıqlığı

Qırım akimiyeti qırımtatarlarnıñ meselelerini al etmeyip, olarnıñ daimiy serbestfikirligini boğacaq ola, dep tüşüne Ukraina Yuqarı Radasınıñ insan aqlarından vekâletlisi Valeriya Lutkovskaya.

Bunı o Qırım.Aqiqatqa bildirdi.

Lutkovskayanıñ aytqanına köre, yarımadada qırımtatarlarğa basqı meselesi yalıñız uquq derecesinde degil, siyasiy derecede de al etilmeli, lâkin işğal etilgen Qırımda bu yapılmay.

«Bizler qırımtatarlarğa yardım etmege tırışamız, olarnı qorçalaycaq olamız, lâkin bu da er vaqıt olmay», – dedi Lutkovskaya. O, aynı vaqıtta bunı da dedi ki, Ukraina akimiyeti tamır halqnıñ problemlerini semereli al etmedi.

Ukrain ombudsmeni qayd etti ki, al-azırda yarımadada insan aqları vaziyeti yalıñız «Qırım alan missiyası» uquq qorçalayıcı teşkilâtınıñ esabatları esasında nezaret etile. Olarnıñ malümatına köre, qırımtatarlarğa basqı meselesi al etilmey.

«Mesele çezilmey, çezilse de, qırımtatarlarnıñ fikir yürsetüv serbestligi basqı altında qala», – dedi Lutkovskaya

Ukraina ombudsmeni Qırım.Aqiqatqa bildirdi ki, Rusiye ombudsmeni Ella Pamfilova ve Avropa Şurasınıñ insan aqları komissarı Nils Muyjniyeks ile işğal etilgen Qırımğa barmağa istey.

Ukraina Yuqarı Radasınıñ insan aqlarından vekâletlisi noyabr 5-te BMT insan aqları Yuqarı komissar Ofisi ve Çetel devletler temsilcilikleri ögünde çıqışta bulunıp, Qırımda Ukraina vatandaşlarınıñ diskriminatsiyasını qayd etti.

XS
SM
MD
LG