Bir kün içinde terrorizmge qarşı tedbirler keçirilgen yerde ava istihbarat izleri sekiz kere qayd etildi, işğal etilgen Qırımdan da vertolört istihbaratı keçirile.
Bunı cuma künü, yanvar 9-da, terrorizmge qarşı tedbirler ştabınıñ spikeri Andriy Lısenko bildirdi.
Onıñ aytqanına köre, bespilotnikler Lugansk vilâyetiniñ Denejnikovo, Çmırovka ve Sçastye şeeri yanında, Donetsk vilâyetiniñ Glinka, Şçerbak, Kramatorsk şeeri ve Panteleymonovka qasabası yanında qayd etildi.
2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
