Link açıqlığı

Qırım uquq qoruyıcıları «narazılıq meydanlarında» adamlarğa topraq damartılarını resmiyleştirmege vade etip para toplağan adamlarnı tapacaq.

Bunı Qırımnıñ öz başına ilân etilgen baş naziri Sergey Aksönov yanvar 9-da samozahvatlar meselesi boyunca toplaşuvda bildirdi, dep haber ete Qırım.Aqiqat.

«İçki işler nazirliginiñ taqiqat organları bu işnen oğraşmaqta. Adamlarğa topraq damartılarını resmiyleştirmege vade etip aldata-aldata para toplağan insanlar, emin oluñız ki, tapılacaq. Bu areketlerge uquq ceetten qıymet kesilecek, men kefil etem», – dedi Aksönov.

Malüm ki, Qırım «prokuraturası» Aqmescit rayonınıñ Dubki köyündeki «narazılıq meydanınıñ» iştirakçilerinden qanunsız alda para aluv boyunca cinaiy iş açtı.

Bundan evel Aqmescitte ötkerilgen matbuat konferentsiyasında «Sebat» cemaat teşkilâtını «narazılıq meydanlarında» adamlardan qanunsız alda para alğanında qabaatladılar.

«Sebat» matbuat hızmetiniñ vekili Suleyman Yakubov ise bu qabaatlarnı olmaycaq bir şey dep adladı.

XS
SM
MD
LG