Link açıqlığı

Saatnıñ esas haberi

Aksönov: Qırım «narazılıq meydanlarınıñ» iştirakçilerini taqip etmeycekler


Qırımda «narazılıq meydanlarnıñ» iştirakçileri cinaiy mesülietke çekilmeycek.

Bunı yanvar 9 künü «samozahvatlar» boyunca keçirilgen toplaşuvda Qırımnıñ öz başına tayin etilgen baş naziri Sergey Aksönov bildirdi.

«Bu sual kün tertibinden alındı», – dedi Aksönov.

Bunıñ ile o şunı da bildirdi ki, bu kibi topraq meselelerniñ çezilmesinde aracı artıq olmaycaq.

«Akimiyet organları ve cemaat teşkilâtları arasında aracılar artıq olmaycaq. Bundan da ğayrı, aracı olaraq areket etken cemaat teşkilâtı özüni mahsus, muayyen topraq damartalarınıñ zapt etüvinde teşkilâtçı olaraq tanıta, bunı yapmağa tevsiye etmez edim»,– dedi Aksönov.

2014 senesiniñ soñunda keçirilgen matbuat konferentsiyasında Aksönov Qırımdaki «samozahvatlarnıñ» çoqusı 2015 senesiniñ başında yoq etilecegi aqqında bildirgen edi.

XS
SM
MD
LG