Ani Loraknıñ Yañı yıl gecesi işğal etilgen Qırımdaki çıqışı aqqında malümat aqiqatqa uymay. Bu kibi bildirüvni ukrain yırcınıñ matbuat hızmeti Ani Loraknıñ resmiy saytında aşkâr etti.
«Bu kibi bildirüvlerni biz nevbetteki tarik ve insafsız jurnalistlerniñ yırcı adını aqaretlemek ıntıluvı olaraq tanıymız. Yañı yılnı Ani Lorak evde, Kiyevde, öz qorantası ile qarşıladı», – denile beyanatta.
Evel ukrain matbuat vastaları Yañı yılda Ani Lorak işğal etilgen Qırımda Ukrainanıñ qaçaq prezidenti Viktor Yanukoviç tarafdarları içün teşkil etilgen kontsertte çıqışta bulunğanı aqqında malümatnı tarqata ediler.
