Link açıqlığı

AQŞ silâlı quvetleriniñ meselelri boyunca senat komitetiniñ reisi senator John McCain «Ukrainağa yardım müteber olması içün areket etmege» azır olğanını bildirdi, – dep haber ete yanvar 8 künü Radіo Svoboda.

«Bilgenim tek bir stsenariy bar – Qırımnı Ukrainağa qaytarıñız, şarqiy Ukrainadan yoq oluñız ve tek o zaman biz Ukrainanıñ finlândiyalaştıruvı aqqında ayta bilecekmiz», – dep bildirdi o.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG