Link açıqlığı

Saatnıñ esas haberi

Keriçni qar qaplap aldı


İşğal etilgen Keriçte cumaaqşamı, yanvar 8 künü, şeer ve qurtarıcı hızmetler qar yağuvı aqibetleri ile oğraşa. Bunı Keriç şeer şurasınıñ matbuat hızmeti bildire.

Belli olğanı kibi, şeerniñ soqaqları ve etrafı qar astında qaldı. Ava arareti sıfırdan aşağı 11 derecege tüşti.

«Kommunal hızmetleri merkez ve rayonlarda soqaqlarnı ve toqtav yerlerni qardan temizley. Suv kanalnıñ hadimleri Orconikidze soqağında yüz bergen qaza ile oğraşalar. Bütün meselelerni şeer memuriyeti nezaret ete», – denile beyanatta

Belli olğanı kibi, arktik tsikolnnıñ kelmesi ile Qırımda yanvar 7-8 künleri suvuqlar beklenile edi. Mütehassıslarnıñ aytqanına köre, ava arareti şu künleri gece sıfırdan aşağı 18-23, Qırımnıñ yalı boyunda 10-12 derecege yetecek

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG