Link açıqlığı

2015 senesinden başlap, Qırımda Federal migratsion hızmeti Rusiye Federatsiyasınıñ qanunları boyunca çalışmağa başlay ve devlet bergisine keçe, dep bildirdi FMH başı Pötr Yaroş, dep yaza Kafa gazetası.

Onıñ aytqanı kibi, FMH tarafından etilgen er bir memuriy hızmet içün devlet bergisi alınacaq. Şu cümleden, çetel pasportını elde etmek içün 3500 ruble ödemege kerek olur, Rusiye vatandaşınıñ pasportı – 300 ruble. Bu aqça Qırımnıñ hazinesine ketecek, dey memur.

Bundan da ğayrı, Yaroşnıñ aytqanı kibi, tahminen 3,4 biñ qırımlı Rusiye pasportını almağa istemedi. Bu insanlar Qırımda yaşağan yabancı kibi tanıla.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG