Rusiyede 90 künlik bulunuv müddetini bozğan yarım million migranttan ziyade bir qaç yıl devamında memleketke tekrar kiremez.
Bu yanvar 10-da işke tüşürilgen qanun deñişmelerinen bağlı, dep bildirdi Federal migratsion hızmetiniñ yolbaşçısı Konstantin Romodanovskiy İnterfaks agentligine.
Deñişmelerge binaen, Rusiyede 120 künden ziyade bulunğan adamlar 3 yıl devamında memleketke kirip olamazlar, 270 künden ziyade bulunğanlar ise 5 yıl devamında kiremezler. Rusiyede bir yıldan ziyade qanunsız alda bulunğan adamlar içün bu ceza 10 yılğa qadar arta.
FMH malümatına köre, al-azırda Rusiyede 3 million yabancı buluna. Olarnıñ ekseriyeti Mustaqil devletler ittifağı memleketlerinden keldi.
