Ukraina musulmanlarınıñ müftisi Said İsmagilov Parijde elâk olğan Charlie Hebdo mecmua jurnalistleriniñ soy-soplarına taziyelerini bildirdi. Bunı o Facebook saifesinde yazdı.
Müftiniñ fikirince, diniy duyğularnı aqaretlev meseleleri medeniy usullar ile al etilmeli:
«Mecmua Muhammed peyğamberine (aleyhi selâm) karikaturalar bastırğanına baqmadan, elbet de, musulmanlarnıñ diniy duyğuları aqaretlene, bunıñ kibi meseleler er bir memlekette uquqiy alanda medeniy usullar ile al etilmeli. Allah bile. İslâm zorbalıq. öldürüv ve qanunsızlıq yapmağa izin bermey, onıñ içün bugünki cinayet bütün Avropa musulman toplulığı içün şok oldı», - dedi o.
Said İsmagilov Avropa musulmanları adından bunıñ kibi areketlerni takbih etip, jurnalistlerge «er bir memlekette Muhammed peyğamberine karikaturalar yapmaq davetine» qulaq asmamağa çağıra.
Yanvar 7-de Parijde Charlie Hebdo satirik gazetasınıñ muarririyetine ücüm etildi.
Ücüm vaqtında 12 insan elâk oldı. Politsiyanıñ malümatına köre, 10 kişi yaralandı.
