Rusiyeniñ daa bir «gumanitar yardımı» yanvar 8-de saba memleket şarqındaki ukrain akimiyeti kontrol etmegen sıñırdan keçmege planlaştıra.
Rusiye matbuat vastaları Rusiye MÇS memurlarına esaslanıp bildire ki, 120 maşinadan ziyale Donskoy qorçalav merkezinden yolğa çıqtı.
Rusiye malümatına köre, beyaz yük maşinaları bir buçuq tonnalıq gumanitar yükni alıp keteler – balalarğa ediye, aşayt mahsulatı, ilâclar.
Bu Rusiyeniñ 11-inci «gumanitar yardımıdır».
Ukraina RNBO bildire ki, Rusiye Ukrainağa yollağan «gumanitar konvoylarnıñ» episi «silâlı adamlarğa qoltutuv» ola. Yük maşinaları qanunsız silâlı birleşmelerniñ nezareti altında bulunğan yerlerge silâ, yemek ketireler, dep bildire ukrain hızmeti.
