Harkovnıñ şimaliy qısmında qoşma mudafaa inşaatları 2015 senesiniñ birinci üç ayı devamında qurulacaq. Bunı UNİAN Harkov vilâyet devlet memuriyetiniñ yolbaşçısı İgor Balutanıñ aytqanlarına esaslanıp bildire.
«Bu seneniñ birinci üç ayı devamında şeerniñ şimaliy qısmında qoşma mudafaa inşaatlarnı quracaqmız», ─ dedi Baluta.
Onıñ aytqanına köre, Harkov civarındaki blokpostlar yañı donatmalarnen temin etilecek.
Al-azırda Harkov etrafında 6 blokpost mevcut. Vilâyet yolbaşçısınıñ bildirgenine köre, Harkov rayonınıñ Tsirkunı qasabasında volontörlar tarafından qurulğan yedinci blokpost yanvar 7-den itibaren işke başlaycaq. Vilâyet devlet memuriyetiniñ yolbaşçısı qayd etti ki, Harkovniñ şimal tarafında daa bir blokpost teşkil etilmeli.
