Milât gecesi boyevikler ukrain arbiylerine qarşı 15 kere ateş açtılar. Ateş saat 18-den saba saat 6-ğa qadar devam etti. Bunı ATO matbuat merkezi bildire.
«Boyeviklerniñ provokatsiyaları ukrain arbiylerine Muqaddes Milâtnı qarşılamağa keder etmedi. Bazı bölüklerge papazlar bile keldi», – dep bildirdi matbuat merkezi.
Donetsk yolunda Granitnoye ateş altında qaldı. Peski köyü yedi kere minaatıcı ve toplarnıñ ateşi astında qaldı.
Taramçuk, Petrovskoye, Vodânoye, Opitnov ve Donetsk ava limanınıñ meteoqulesi minaatıcıdan zarar kördi.
Debaltsev yolunda toplar Çernuhinoğa zarar ketirdi, minaatıcılardan ise Olhovatka ve Redkodub zarar kördi.
