Link açıqlığı

Saatnıñ esas haberi

AQŞ Rusiyeni Savçenko, Sentsov ve diger ukrain reineleriniñ azat etilmesine çağıra


Amerika Qoşma Ştatları Rusiyeni ukrain reinelerniñ acele sürette azat etilmesine çağıra. Bunı AQŞ Devlet departamentiniñ matbuat kâtibi Jennifer Psaki salı künü, yanvar 6-da, bildirdi, – dep haber ete Radio Svoboda.

«Bizler Moskvanıñ Rusiyede ukrain reineleri, şu cümleden Ukraina halq deputatı Nadejda Savçenko ve rejissör Oleg Sentsovnı, apiste tutqanını takbih etemiz. Añlaymız ki, Savçenkonıñ açlıq sebebi apis müddeti ola, onıñ sağlığı da yerinde degil. Bizler onı ve Rusiyede apiste bulunğan diger esirlerni acele sürette azat etmege çağıramız», – dedi Psaki.

Malüm olğanı kibi, 2014 senesi dekabr 13-te Nadejda Savçenko açlıqqa başladı.

Rusiye akimiyeti Savçenkonıñ eki Rusiye jurnalisti İgor Kornelük ve Anton Voloşinniñ ölümine alâqası bar olğanını ayta. Ukrain arbiy hızmetçisi bunı red ete.

Savçenko «Batkivşçına» cedveli boyunca Ukraina Yuqarı Radasına saylandı. Dekabr 11-de Yuqarı Rada Devlet duması ve Rusiye prezidenti Vladimir Putinge Savçenkonıñ azat etilmesi muracaatı aqqında qararnı imzaladı.

Ukrain rejissöri Oleg Sentsov işğal etilgen Qırımda FSB tarafından yaqalanıp, Moskvağa yollanılğan edi. Onı teraktlar azırlanmasında qabaatlaylar. Rusiye Sentsovnıñ Ukraina vatandaşlığını tanımay.

XS
SM
MD
LG