Link açıqlığı

İçki işler nazirligi: Ukraina maşina nomeralarını Avropa standartlarına keçire


2015 senesinden itibaren Ukrainada Avropa Birliginiñ talaplarına uyğan yañı maşina nomeraları kirsetile. Bu aqqında Ukraina içki işler naziriniñ muavini Sergey Çebotar bildirdi, – dep haber ete Ukrinform.

Onıñ aytqanına köre, Ukrainanıñ intellektual mülk devlet hızmeti 2014 senesi sentâbr 25-ten itibaren İçki işler nazirligine yañı nomeralarnıñ işaretler azırlanmasına patent berdi.

Yıl başından başlap nomeralar işaretleriniñ saibi Devlet avtomobil inspektsiyası sıfatında MVD oldı. Bir de bir şirketler kirişmeycek, – bildire MVD.

Berilgen malümatqa köre, Avropanıñ yañı maşina nomeraları bu sene mart 31-den başlap kirsetilecek. Olarnıñ fiyatı 134 grivnanı teşkil etecek.

İçki işler naziriniñ muavini dey ki, «uquq qoruyıcı nazirlikniñ islâatları yolunda daa bir adım atıldı».

XS
SM
MD
LG