Link açıqlığı

Rusiye baş nazir muavini Arkadiy Dvorkoviç Ukrainadan Qırımğa elektroenergiyanıñ berilmesi er angi vaqıtta toqtatıla bilecegi aqqında tüşüne.

Bunı o Rusiye yaqarlıq-energetik kompleksiniñ çalışuv meseleleri boyunca toplaşuv devamında bildirdi, haber ete TASS.

«Ukrainanıñ kergin vaziyeti sebebinden tertibata er angi vaqıtta bozuluvlar peyda ola bile», – dedi Dvorkoviç.

Onıñ aytqanı kibi, şimdi Ukraina ve Rusiye energetikleri arasında Qırım energoteminlevi meselelri boyunca iş munasetebleri bar.

«Biz parasını beremiz, em de ğayet büyük miqdarda»,– dedi o.

Qırım yaqarlıq ve energetika «naziriniñ muavini» Sergey Bedrıh aytqanı kibi, «şimdi Qırımnıñ elektroenergiya teminlevi boyunca bütün muracaatları ukrain energetiklerniñ tarafından yerine ketirile. Elektroteminlev ile problemler yoqtır».

Dekabr 24 künü Rusiye tarafından işğal etilgen Qırımda elektroenergiya teminlevi toqtatıldı. Dekabr 26-da aynı vaziyet tekrarlandı. Bu sebepten qızdıruv, mobil bağ ve internet ile problemler peyda oldı.

XS
SM
MD
LG