Link açıqlığı

Ukraina Milliy havfsızlıq ve mudafaa şurası: Qırım yaşları ATO arbiyleri içün qan tapşırdı


Qırım yaşları, Rusiye işğaline baqmadan, ukrain arbiylerine qol tuta, dep bildirdi Ukraina Milliy havfsızlıq ve mudafaa şurasınıñ spikeri Andriy Lısenko.

«Tavriya devlet agrotehnologik universitetiniñ studentleri «Studentler – ATO iştirakçileri içün qan donorları» hayriye aktsiyasında iştirak ettiler», – dedi o.

Lısenkonıñ aytqanı kibi, ukrain gençleri bergen qannı arbiy hastahanelerge yollaycaqlar.

Tavriya devlet agrotehnologik universiteti Zaporojye vilâyeti Melitopolde yerleşe. Bes-belli, aliy oquv yurtunıñ studentleri arasında qırımlılar da bardır.

2014 senesi fevral soñunda mart başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

XS
SM
MD
LG