Saba, yanvar 6 künü, Keriç keçitinde «İonas» ve «Olimpiada» paromları qatnay. Paromnıñ yolcu ve yük yolaqlarında 195 maşina tura.
Bu aqta Yekâne naqliyat müdirliginiñ beyanatında aytıla.
Soñki malümatqa köre, «Kavkaz» limanında nevbette 30 yengil ve 20 yük maşinası, «Krım» limanında» – 20 yengil ve 15 yük maşinası tura.
Yük yolağında: Slavânsk-na-Kubani – 42, Novorossiysk – 32, Keriç deñiz ticariy limanında – 36 avto tura.
Müdirlikte qayd etkenleri kibi, Keriç keçitinde yel suratı 8 m/s yete, aqşamğa yel küçü artacaqtır.
Salı künü, yanvar 6-da, qar yağacaq, yollarnı buzlavuq qaplaycaq.
Yanvar 7-8 künleri Qırımda, arktik tsiklonnıñ kelmesi ile qattı suvuqlar beklenile. Bu künleri yarımadada furtuna havfı ilân etilgen.
