Link açıqlığı

Rusiye Devlet dumasınıñ deputatı Vladimir Jirinovskiyniñ fikirince, Qırımğa Tavrida adı berilmeli.

Bunı o Lifenews telekanalına ayttı.

Onıñ bildirgenine köre, yarımadanıñ şimdiki adı «ter-temiz qırımtatar adı», asılında ise yunan sözü olmalı.

«Tavrida – yunan adı. Aqyar, Kefe, Keriç, Kezlev – bularnıñ episi yunan sözleridir. Qırım – ter-temiz qırımtatar adı. İlk adlar olmaq kerek! Volgograd degil, Tsaritsın, Kirov degil, Vâtka, Ülyanovsk degil, Simbirsk, Noginsk degil, Bogorodsk», – dedi Jirinovskiy.

Jirinovskiy dey ki, LDPR Devlet dumasınıñ Rusiye Ükümetine Qırım yerine Tavrida adınıñ qullanması aqqında muracaatını teklif etecek.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG